Chapter 126.3

Habang yakap-yakap niya ito ay mabilis siyang humilig sa dibdib nito at pinakinggan ang paghinga nito at kaagad niyang naamoy ang pamilyar na amoy ng katawan ni Lucas at doon pa lang naniwala si Annie na totoo ang lahat ng nasa harapan niya at hindi lamang basta panaginip. Hindi panaginip ang lahat ng nangayri kagabi sa pagitan nilang dalawa. Dahil rito ay bigla na lamang nag-umapaw ang sayang nararamdaman niya ng mga oras na iyon. Pakiramdam niya ay bigla na lamang nagkakulay ang napaka-lungkot niyang mundo.

“Saan ka nagpunta? Akala ko ay iniwan mo na ako…” sabi niya rito ng nakanguso at pagkatapos ay tumingala rito.

Hindi naman maiwasan ni Lucas ang hindi mapangiti dahil sa reaksiyon nito ng wala sa oras at pagkatapos ay mabilis na kinurot ang pisngi nito ngunit sa halip na bitawan siya nito ay mas lalo pa siya nitong niyakap ng mas mahigpit pa. As if natatakot ito na baka umalis siya.

“Ano ka ba syempre iniisip ko na baka kapag nagising ka ay gutom ka. Kaya bumili na ako ng makakai