Chapter 126.1

Nang bitawan ni Lucas ang kanyang mga labi ay bigla na lamang namula ang mukha ni Annie lalo pa at nag-umpisa nang gumapang ang init sa buong katawan niya. Lalo pa at nang mga oras na iyon ay naroon pa rin ang epekto ng alak sa katawan niya. Agad na hinalikan nito ang kanyang mukha at pinupog ng halik. At masasabi niya sa sarili niya na nagugustuhan niya ang ginagawa nito. Napakasaya niya ng mga oras na iyon.

“Annie… gusto kong… gusto kong… angkinin ka ngayon…” namamaos ang tinig na bulog sa kaniya ni Lucas habang pinapaliguan siya ng halik sa kanyang mukha. Sa totoo lang ay kakatapat lang nilang dalawa ng kani-kanilang nararamdaman sa isat-isa kani-kanina lang at parang napakadali naman yata ng lahat? Kailangan ba nilang madaliin?

Nang hindi sumagot si Annie ay medyo naunawaan ni Lucas at mabilis na nagsalita. “Kung ayaw mo ay huwag kang mahiyang tumanggi. Patigilin mo ako at nasisiguro ko sayo na titigil ako…” bulong niya rito.

“Hindi ka ba magagalit?” maingat na tanong ni Annie ri