Chapter 39.💜

[Maya/Fiona]

Umilaw ng kulay pula ang ilaw sa itaas ng pinto dito sa kusina at mahinang tumunog. Nang makita ito ni aling Berta ay nagmamadali itong lumabas ng kusina. Ang sabi ni ate Mae ay pinapatawag daw ito ng amo nila kapag gano'n.

"Diyos ko!!!" Napatili ako sa sobrang gulat ng may yumakap sa binti ko. Halos mapatakbo pa ako sa pagkabigla—

Natigilan ako at napatitig sa batang nakayakap sa binti ko. Bigla ang pagsikdo ng dibdib ko habang nakatitig sa kanya.

"Naku, pasensya ka na kung nagulat ka, Fiona, ha." Lumapit si ate Mae sa bata at kinarga ito. "Siya ang aalagaan mo sa oras na magsimula ka na dito. Siya si Trevor, ang anak ni Sir." Paliwanag niya sa akin subalit wala sa mga sinasabi niya ang atensyon ko kundi sa batang karga nito.

"Monster!!!" Humahagikgik na sabi ng mata na para bang natutuwang makita ang kapangitan ko.

Sanay akong nilalait. Kapag naririnig ko ang mga sinasabi ng ibang tao na hindi maganda ay nagbibingibingihan ako... pero bakit ganito... bakit umiiyak ako ng