Chapter 41.💜

[Maya/Fiona]

NATIGILAN ako habang nagtataka na nakatingin sa mga pagkain na nakahain sa mesa na si kuya Gordon ang naghanda. Hindi makapaniwalang nakatingin ako sa kanya.

"Ano pa ang tinatayo-tayo mo ri'yan? Kakain na tayo kaya akayin mo na si Lola palabas ng kwarto niya." Utos nito habang nagtitimpla ng orange juice sa isang pitsel.

"Hoy, Fiona, bingi ka ba?" Untag niya sa akin.

Napapitlag ako at nagmamadaling pinuntahan si lola Felly sa kanyang kwarto at inakay papunta sa aming maliit na kusina.

Nang makita ni lola si kuya Gordon na nag aasikaso ay ngumiti ito imbes na magtaka. "S-Salamat naman at natauhan ka rin, Gordon. N-Naalala ko na dati ka naman talagang ganito... maasikaso at maalaga sa amin ni Fiona." Medyo hirap pa na bigkas ni lola.

Nakaramdam ako ng panghihinayang dahil wala akong maalala sa nakaraan. Kung hindi lang sana nawala ang memorya ko ay hindi ko sana nakalimutan ang masasayang alaala na mayro'n ako kasama sila lola at kuya Gordon.

Napatitig ako sa sinigang na nas