Chapter 49.💜

[Maya/Fiona pov]

Hindi ako tsismosa. Pero naku- curious ako kung ano ba ang kinamatay ng asawa ni sir Tyler. Kapag nagtatanong naman ako kila ate Mae at aling Berta ay wala naman silang malinaw na sagot sa akin.

Ewan ko ba, hindi ko alam kung bakit gustong-gusto kong malaman ang lahat sa mag amang sina sir Tyler at Trevor. Maski ako ay hindi ko na rin maintindihan ang sarili ko. Nakikita ko minsan ang sarili ko na umiiyak na pala ng hindi ko namamalayan, lalo na kapag nakikita ko silang mag ama na parehong masaya. Ang puso ko naman ay parang lumulutang sa tuwa sa tuwing ngumingiti sa akin si sir Tyler.

Isang buwan na akong nagtatrabaho sa mansion at sanay na sanay na akong kasama silang dalawang mag ama. Alam ko naman na yaya lang ako, pero inaamin ko na minsan ay nangangarap ako na sana ay ako na lang talaga ang mommy ni Trevor.

Habang nakatayo ako sa harapan ng salamin at nakatingin sa aking repleksyon ay may mga tanong ako sa utak ko katulad ng... kung hindi ba ako ganito kapangit