Chapter 54.💜

[Maya/Fiona]

“WHATS HAPPENING HERE?!”

Dumagundong ang malaking boses ni sir Tyler sa paligid kaya natigil ako sa pagsabunot kay Suzy na nasa ilalim ko. Hindi na si Suzy makatayo, hindi na rin nito nakuha pang gumanti sa akin kaya naman ngayon ay puro na ito pasa at kalmot ko.

Saka lamang ako natauhan ng ipalibot ni sir Tyler ang braso niya sa bewang ko at alisin ako sa ibabaw ni Suzy.

Kulang pa! Iyon ang sigaw ng utak ko. Gusto ko pang saktan si Suzy at durugin ang mukha nito. Nag aapoy ang damdamin ko sa sari’t saring emosyon— galit at pagkamuhi!

Saka lamang ako natauhan ng hawakan ni sir Tyler ang mukha ko at mataman akong tinitingnan sa mata. “Calm down, Fiona. Ano ba ang nangyayari rito, sa inyo?”

Agad na tumayo si Suzy at yumakap sa bewang ni sir, kaya naman lalo lang akong nanggalaiti sa galit sa kanya. “K-Kuya, that woman hurt me without any reason! Baliw ang pangit na babaeng ‘yan! Palayasin mo ang babaeng ‘yan dito sa bahay dahil baka kung ano pa ang gawin niya sa anak mo!