Chapter 55.💜

[Maya/Fiona]

SOBRA ang kaba ko ng ipatawag ako ni sir Tyler sa library ng gabing ‘yon. Kaaalis lang ni Suzy dala ang lahat ng kanyang gamit. Narinig ko pa ang sinabi ni sir Tyler sa kanya bago siya tuluyang umalis.

‘Never comeback here, Suzy. Ayaw na kitang makita pa kailanman. I’m done with you!’

Nagmakaawa pa si Suzy subalit hindi nadala si sir Tyler sa pagmamakaawa nito. Bago pa umalis si Suzy ay galit na galit ako nitong tiningnan ng may pagbabanta. Akala yata ay matatakot ako. Ewan ko ba, hindi na ako makaramdam ng takot ngayon, lalo na sa kanya. Sa dibdib ko ay parang may poot na nakalaan para sa kanya na hindi ko alam kung bakit.

Sobrang lakas ng tibok ng puso ko ng makarating ako sa tapat ng pinto kung nasaan naghihintay si sir Tyler sa loob. Inayos ko pa ang pagkapusod ng buhok ko, kaya tinawanan ko na lamang ang sarili ko. Ano ba ‘to, wala naman na akong igaganda pero umaakto ako na mayro’n pa.

Mahina akong kumatok. “Come in!” Ani sir. “Maupo ka.” Iminuwestra nito ang kaharap