CHAPTER NINETEEN : ALMOST

NAKARATING kami nang matiwasay sa condo at tahimik lang si Torn at Xence buong biyahe. Bumaba na lang ako at hindi na inantay pa na pagbuksan ako ni Xence ng pinto pero pinabalik lang ako nito sa loob ng sasakyan. Kaagad namang tumaas ang kaliwang kilay ko at pinag-krus ang mga braso ko sa aking dibdib. Ano na namang kailangan nito sa akin?

“Anong problema mo?”

Inis na tanong ko rito pero sinara lang ulit nito ang pinto ng sasakyan. Magrereklamo na sana ako sa ginawa nito pero napakunot ang noo ko nang buksan ulit nito ang pinto at ilahad ang kamay niya sa akin. Nasisira na yata utak ni Xence.

“Ano bang trip mo?”

"Pinagbubuksan lang kita ng pintuan."

"Ang lakas ng trip mo. Kita mong binuksan ko na, sinara mo pa ulit."

Tawa naman nang tawa si Torn sa amin kaya sinamaan ko ito ng tingin. Napaayos ito ng tayo at itinikom ang kaniyang bibig. Inis kong inabot at hinawakan ang kamay ni Xence at inalalayan ako nito sa pagbaba ng sasakyan. Akala mo naman ay ang taas ng hahakbangin ko para al