CHAPTER TWENTY THREE : PRICELESS

MAKALIPAS ang isang linggo, ang mga sugat at pasa ko sa katawan ay mabilis na naghilom dahil sa pag-aalaga sa akin ni Xence.

Tatlong buwan na rin ang tiyan ko. Medyo nagkakaroon na ako ng baby bumps kaya natutuwa ako lalo na kapag kinakausap ni Xence ang nabubuo na naming baby sa tiyan ko. Kada gising ko sa umaga ay tinititigan ko ang repleksyon ko sa salamin habang hinahaplos ang tiyan ko. Anim na buwan na lamang ay masisilayan ko na ang anak namin ni Xence na itinuturing naming isang biyaya.

Tuwing magkakaroon ng tiyansa si Xence ay hinihimas at kinakausap niya rin ang tiyan ko na para bang nagkakaintindihan na silang dalawa ng anak niya.

Ang araw na ito ay mahalaga sa amin dahil ngayon napagpasiyahan ng pamilya ko at pamilya ni Xence na muling magharap at magkausap tungkol sa magiging pamilya namin ni Xence.

Nakatayo kami ni Xence ngayon sa harapan ng gate ng aming bahay upang muling makausap sila mama't papa dahil desidido ang pamilya ni Xence na pag-usapan ang tungkol sa amin at