CHAPTER 39: Oh, Cupid!

“I WANT these 2 autograph chairs for the pool area,” mungkahi ni Danica. Ipinakita nito ang magandang silya sa tablet na hawak kay Kael. Nagsisimula na silang maghanap ng mga kagamitan.

Inilipat ni Kael ang tingin sa pool area at saka sa silya na nais nitong ilagay doon.

“Hmmm… Gusto ko rin sana ng mga ‘yan, kaya lang ay hindi ba sila spacious sa pool area? Masyadong makipot ang gilid kaya ang nasa isip ko sana ay ‘yong tipong pillow lang if ever na gusto ng guest na mag-unwind dito sa lugar,” tugon ni Kael.

“No! I want that in my pool! Ako ang magiging manager dito ‘pagdating ng araw kaya ‘yan ang gusto ko!”

Ilan lang iyon sa palitan ng usapan ni Kael at Danica tungkol sa trabaho. Madalas na mapagbigyan niya ang tantrums nito dahil sa huli ay inaaprubahan ni Mr. Arvesso ang kagustuhan ng dalaga. Malapit na siyang maasar dahil sinisira nito ang trabaho niya. Nababago ang orihinal na plano kahit pa nga mayroon na silang napag-usapan.

“You know what, Danica, how about do