CHAPTER 38: Escaping

“‘Tapos sasabihin mo sa ‘kin na magtatrabaho ka kay Kael. Niloloko mo ba ako? Pasusuwelduhin ko si Kael at pagkatapos ay ang kumpanya niya ang magbabayad sa ‘yo?”

Kinakabahan si Lily sa galit na inaakto ng ama ni Danica. Kumapit siya sa braso ni Kael habang takot na takot. The man’s action triggered her. Naaalala niya kung paano magalit si Mr. Martin. Kasunod ang paghampas nito sa kanya ng dala-dala nitong tungkod o kaya naman ay kahit na anong bagay na makuha nito.

“Please… stop…” Napayuko siya para tapusin ang panonood sa mag-ama.

“Are you alright, Lily?” tanong ni Kael.

Napapikit siya nang mariin. Dumiin ang kapit niya sa braso ni Kael.

“Daddy naman, eh. Nakita mo na nand’yan ‘yong magiging boss ko. Nand’yan din ‘yong kaibigan ko. Bigyan mo naman ako ng kaunting hiya,” nakalabing sabi ni Danica.

Naiiling na lang ang may-edad na lalaki. “Talagang ikaw na bata ka! Mag-uusap tayo mamaya,” wika nito bago sila hinarap. “Pagpasensiyahan n’yo na. Masyado kasing matigas ang