CHAPTER 27

ANB-27

Pagdating na pagdating pa lang sa bahay nina Kaira . Kaagad na siyang dumiretso sa silid at nagkulong. Hindi na niya pinansin pa ang pagtawag sa kanya ni Gabby. Maging ang pagbati ng mayordoma sa kanya ay tila hindi niya narinig.

Inihilata niya ang pagod na katawan sa kama at ipinikit ang mga mata. Hindi niya namalayan ang sarili at nakatulog. Hindi niya nagawang magpalit ng damit at magtanggal ng sapatos, maging magtanggal ng make up at kung ano-ano pa..

Hanggang sa nakaramdam siya na tila may nagmamasid sa kanya. Unti-unti niyang iminulat ang kanyang mga mata at nagulat siya nang makita sa may bukana ng pintuan ang nakasandal na si Tristan.

Kaagad na napabalikwas siya nang bangon. Maayos na inipit niya sa kanyang tainga ang ilang hibla ng kanyang buhok na nalaglag sa kanyang mukha.

"Kanina ka pa ba d'yan?" nagulat na tanong niya rito. Halata ang kapormalan at pagkadisgusto sa kanyang tinig.

"Hindi naman! Mukhang napagod ka yata nang husto sa pamamasyal kanina. Ni hindi m