Chapter 40

Axis stared at Abigail who was busy peeling the potato. Isasahog nila ito sa iluluto nilang ulam at ito ang nagpresenta na balatan iyon gamit ang peeler na binili niya sa junction. Simula nang makita niya ang emosyon sa mata nito kaninang tanghali ay napansin na niya lahat ng mga tingin nito sa kaniya. Sa tuwing akala nito ay hindi siya aware ay sumusulyap ito sa kaniya.

At sa sulok ng kaniyang mata ay nakikita niya ang init at paghanga sa mga tingin nito. Kahit pilit nitong itinatago ay nakikita pa rin niya iyon. He's old enough to understand that look. Dahil nakikita niya ang emosyon na 'yun sa mata ng mga magulang niya. Na kahit matanda na sila ay hindi pa rin kumupas ang pag-ibig na palaging naka-ukit sa mata ng dalawa.

"Oo nga pala, nabanggit sa'kin ni Mia na may ilog dito. Hindi mo naman siguro ako pagbabawalan kung sasabihin ko na gusto kong lumangoy doon," hayag nito at nagtaas ng tingin. Pasimpleng nag-iwas siya ng tingin at itinuloy ang paghihiwa sa sibuyas. Baka 'pag nahuli