Chapter 41

"Letse!!" hiyaw ni Abigail nang bunutin niya ang damo sa likod bahay. Naihaigs pa niya ang damo sa malayo dahil sa gulat. Mahahaba na ang damo ng paligid ng tinaniman ni Axis ng talong kaya nagdisisyon siyang alisin ang mga ito. Hindi naman kasi siya makakatulong dito kung sasama rin siya sa kamalig. Hindi niya mabubuhat ang mga sako ng palay.

Pero ito at ginulat siya ng malaking klase ng uod sa dahon ng damong nabunot niya. Marami pa iyong balahibo at kapag nahawakan ay makati sa balat.

"Mga higad kayo! Balak niyo pang sirain ang mga tanim namin!" asik niya sa isa pang uod at kinuha ang bato para durugin iyon. Nang maibunton niya ang inis ay nagpatuloy na siya sa pagbubunot ng damot. At kung may makikita siyang iba pang klase ng uod ay pinapatay niya. Hindi pa niya napapangalahati na linisin ang garden ay may narinig siyang nagsalita.

Paglingon niya ay nakita niya si Odette na nakatayo sa may gilid. Tumayo siya at pinagpag ang mga lupa sa kamay niya at lumapit sa dalaga. Nakangiti it