KABANATA 28 I SORRY, MALI AKO

Kasalukuyan…

Nagising si Via sa tunog ng mga yabag sa hallway. Dahan-dahang bumukas ang mga mata niya. Pungas-pungas niyang nilingon ang paligid at napagtantong nakatulog na pala siya sa waiting chair.

Nagtataka ang mga mata niya sa itim na coat na bumabalot sa mainit niyang katawan. Bakas sa mukha niya ang pagkalito nang mahawakan niya ang isang pamilyar na suit. Naamoy niya ang hindi niya malilimutang pabango.

Maingat na dumampi ang malalambot na mga daliri ni Via sa ibabaw ng coat hanggang sa naramdaman niya ang pagkabog ng kaniyang dibdib.

Hindi niya napigilan ang kan’yang sarili na yakapin ng mahigpit ang suit habang nagsimulang tumulo ang mga luha sa kan’yang mga mata.

Umangat ang ulo niya nang makarinig siya ng kaunting ubo mula sa katabi. Saglit na nanlaki ang mga mata ni Via nang makita ang lalaking miss na miss na niya. Matagal silang nagkatitigan ni walang salitang lumalabas sa bibig nila.

Nang magkamalay siya ay inihagis niya ang coat sa lalaki, halos mawalan siya ng b