Chapter 27

Masayang nakauwi sina Aricella at Igneel sa bahay, naririnig pa ang tawanan nilang dalawa at nagising si Janette. Agad siyang bumangon nang naingayan siya sa mga boses na nasa sala, kinukusot niya pa ang kanyang mga mata para tignan kung kanino nanggaling ang ingay na naririnig niya.

"Anong ginagawa ninyong dalawa at anong oras na? Bakit ngayon lang kayo nakauwi?" Inaantok na tanong ni Janette pero naroon pa rin ang inis dahil sa nabulabog angkanyang mahimbing na pagtulog.

Natahimik silang dalawa at umayos ng tayo. "I'm sorry Ma. Kumain lang kami sa labas kaya natagalan at may pinuntahan lang," sagot ni Aricella, pinipigilan ang tawa.

"Kumain sa labas? Hindi ba't kasama mo si Daniel? Nasaan siya? Siya ba ang naghatid sa'yo rito?"

"Ma, si Igneel ang kasama ko kaya hindi ako hinatid ni Daniel and nauna na akong umalis sa kanya, sinundo ako ni Igneel. Matutulog na po kami, Mama. Pasensya na ang good night." Lumapit si Aricella sa kanyang ina at hinalikan ito sa pisngi.

Nauna siyang um