Chapter 37 - It's all my fault

Saktong pagpasok ni Vance at kanyang ama kasunod sina Samuel, Rex at Vincent sa mansion, bumuhos ang napakalakas na ulan. Marami pa ring tao sa loob ng mansion halos mga empleyado niya ang naiwan dito dahil karamihan sa mga VIP ay agad na umalis nang mag-umpisa ang kumosyon kanina. Ang ama niya ang nag-asikaso sa mga ito.

Napakalaking damage sa pangalan ni Vance ang nangyari ngayong araw. Agad niyang inatasan si Tim na i-shutdown lahat ng posibleng lumabas na article tungkol sa naunsyami niyang kasal.

Nadaanan niya ang sala mayor ng mansion na maraming nakaupo at abala sa pagku-kwentuhan. Kahit hindi niya sinulyapan ang mga ito alam niyang nabaling sa kanya ang atensyon ng karamihan sa kanila. Malalaki ang mga hakbang na umakyat siya patungo sa malaking library. Dumeritso siya sa bar counter at nagsalin ng vodka sa baso saka mabilis na tinungga. Pagkatapos ng isa, dalawa tatlong baso bigla itong inagaw ni Vincent mula sa kanyang kamay.

"Bro! Enough! Hindi ka makapag-iisip ng maay