SUA 26

"Sua, magtapat ka nga sa'kin, no'ng pinuntahan ka ni Sandro noon 6 years ago, nag-usap ba kayo na sa Gaiman kayo mag ko-kolehiyo?" Seryosong tanong niya sa akin.

Hindi ko alam kung paano ko sasagutin si teacher Flor sa tanong niya. Pero sa itsura niya, parang alam na niya ang sagot, at gusto lang niya marinig mismo sa bibig ko ang katotohanan.

Kaya wala ng saysay para para magsinungaling. Tumango ako at sinabing, "opo."

Nakita ko siyang napabuntong hininga at napahigop sa kape niya.

Hindi ko siya mabasa. Alam kong hindi siya galit, pero alam ko ring hindi siya natutuwa.

"Sua," tawag niya sa akin. "Alam kong mabait kang bata." Aniya.

Hindi ko alam bakit kabado ako. Dahil pakiramdam ko ay hahantong kami sa isang usapan na ayokong puntahan.

"Pero hindi mo naman nakakalimutan hindi ba kung anong nangyari sa'yo noon?" nagbaba ako ng tingin.

Ang tinutukoy ba niya ay ang pag kidnap sa akin ni Bil noong bata ako?

"Opo," mahinang sagot ko.

"Kung ganoon, hindi ko maintindihan." Aniya

Napatin