SUA 35

Nakakahiya. Iyon ang nakatanim sa isipan ko matapos kong tignan ang mga tao na nasa paligid. Lahat sila nakatingin sa amin ni Sandro, habang si Sandro ay wala namang pake.

Naka-bikini na ang lahat habang ako ay nakabikini nga pero may suot namang malaking tshirt.

“Huwag mong tanggalin,” sabi ni Sandro at dumiretso sa mga kaibigan niya habang ako naman ay naglakad palapit kay ate Lucille na may kakaibang tingin.

Nagbihis ako ng bikini kanina, paglabas ko pa lang ng CR, agad na niyang sinuot sa akin ang tshirt niya. Hindi naman niya ako pinagbawalan pero hindi rin hinayaan.

Nang makatabi ako kay ate Lucille, agad niya akong kinurot.

“Naglaplapan pala kayo ni Sandro sa loob?”

Agad akong namula sa sinabi niyang laplapan. “Grabe ka naman ate sa laplapan.” Saad ko at sumimangot.

“Ay, hindi ba laplapan ang ginawa niyo?” tanong niya. “Ano pala? French kiss na may kasamang supsupan ng dila?”

Parang umusok ang tenga ko sa sinabi niya.

Inirapan ko siya at tumingin sa mg aka batch niyang babae na