CHAPTER 30

CHAPTER 30

Dahil doon, nagsimula muli ang matinding tunggalian sa pagitan namin. Naboto ako na President sa classroom namin at siya ang President sa buong Campus. Ako ang Editor in Chief ng aming school paper. Siya ang team captain ng basketball team ngunit sa akin ang volleyball team. Ako ang Corpse Commander ng CAT, adjutant lang siya. Kalalaki niyang tao, tinalo ng babae sa posisyong dapat lalaki ang naghahari. Sa klase, tagisan pa rin kami ng talino. Lumalim ng lumalim ang kompetensiya sa pagitan namin. Ngunit madalas nakikita ko siyang nakatitig sa akin. Inaamin ko, mahal ko pa rin siya kahit sabihing nangingibabaw na ang sakit ng loob ko sa kaniya. Hindi ko alam kung ang panakaw niyang mga titig sa akin ay may ibig sabihin ngunit iniwasan kong umasa. Naniniwala akong hindi ka masasaktan kung hindi ka nag-eexpect.

May mga gabing iniiyakan ko pa rin siya lalo na sa tuwing nakikita ko si Teddy Dindo ngunit nakapangako ako kay Daddy. Kailangan kong maging matapang at malakas. Kailan