CHAPTER 31

CHAPTER 31

Intrams. Kinausap ako ng coach namin.

"Puwede bang sa team ka muna namin mamaya sa basketball? Wala na kasi si Dindi. Ikaw lang ang puwede kong mahila pamalit sa kaniya."

Isang Linggo na ngang hindi pumasok si Dindi. Alam kong naging sakitin siya nitong mga nakaraang araw. Ngunit hindi iyon ang gusto kong pagtuunan ng pansin. Alam ng lahat babae ako. Paanong naging parang okey na lang sa lahat na maglaro ako kasama ang mga lalaki. Gusto kong humindi pero alam kong kung pumayag ang lahat noong third year ako, anong pinagkaiba ngayong fourth year na ako? Isa pa, paano kami maglalaro bilang iisang team ng taong iniiwasan ko at patuloy kong kakompetensiya sa kahit anong larangan sa aming school? Ngunit dahil sa pakiusap ng coach naming fourth year ay napapayag niya din ako.

Habang naglalaro kami sa first half ay napansin kong hindi niya sa akin ibinibigay ang bola kahit pa open ako. Samantalang kung ako ang may hawak at open siya ay ipinapasa ko naman sa kaniya ngunit ipinapasa