Kabanata 34

"Bakit ka nandito, Simon?" Tila hindi nag-aalalang ngumiti si Fiona.

Hindi sumagot si Simon, nagsumbong naman si Sebastian, "Tito, sinampal po ng matandang babae na 'yan si mommy noong nakaraan, at ngayon ay kinidnap niya ako. Hindi po siya mabait. Tulungan niyo po ako tumawag ng pulis."

Kumunot ang noo ni Simon nang marinig ito. Sinaktan niya si Sharon noong nakaraan?

Bigla niyang naalala na nakita niya nga ang bakas ng palad sa mukha ni Sharon noon.

Naningkit ang kaniyang mga mata, mababakas ang katakot-takot na aura mula rito. "Fiona, bakit mo ito ginagawa sa bata?"

Ngumiti lamang si Fiona, "Simon, tungkol ito sa kasalanan ni Howard at mga personal na bagay. Hindi mo na kailangang mangialam."

Nasa test center sila. Malinaw na ipapa-paternity test ni Fiona ang bata para malaman kung anak nga ito no Howard.

"Simon, ibigay mo sa akin ang bata." pinilit niyang magawa ang plano niya ngayong araw.

Tiningala ni Sebastian ang matangkad na lalaki at kinurap ang mga mata. "Tito, hindi