Chapter 30

Tinawagan niya si Nate pero hindi sinagot ng lalaki ang kaniyang tawag. Hindi niya masisi ang lalaki. Maraming negosyo si Nate. Busy malamang ito sa mga negosyo.

Ayaw niyang tumungo sa lugar na ito pero wala siyang magawa dahil pakiramdam niya ay dito niya matatagpuan ang nais niyang kaginhawaan.

Nakailang bote na siya ng alak pero pakiramdam niya ay kulang pa ito. Sinabihan niya si Lexi na dalawin ang dalawang bata. Mabuti na lang talaga dahil mapakikiusapan ang kaibigan niya. Hindi siya inyawan ni Lexi muna noong naging magkaibigan na sila.

Tumunog ang smartphone niya kaya ay sumulyap siya sa screen nito. Sinagot niya ang tawag mula kay Lexi.

"Greta, nasaan ka ba?" tanong ng kaibigan niya.

Gusto niya naman talagang pumunta sa kaibigan niyang si Lexi pero hiyang-hiya na siya. Alam niya na hindi siya huhusgahan ng kaibigan niya kapag iiyak na naman siya sa tapat nito at sasabihin ang mga poot at sakit sa puso niya pero siya na kasi ang naawa kay Lexi na palagi na lang nagiging pa