Chapter 39:  Iligtas si Arianne!

Hindi alam ni Arianne kung ilang oras na siyang natutulog. Siguro ay sa sobrang pagod pagkatapos niyang magsilang ng sanggol na lalaki ay mahina pa rin ang kaniyang katawan. Idagdag pa ang nagaganap sa kaniya ngayon at sa katotohanang kaniyang natuklasan. Pagkagising niya ay madilim na ang paligid at bahagyang liwanag na lang ang tumatanglaw sa loob. Mag-isa na din siya sa kwartong iyon at wala na si Blake.

Naramdaman niyang naaalog ang kaniyang katawan at napansin niyang para siyang itinutulak sa di malamang direksiyon ng isang di nakikilalang personalidad. Nakalagay siya sa isang kamang de-gulong na karaniwang makikita sa mga hospital. Mga mapupusyaw na ilaw ang bumabati sa kaniya at kumakaway sa dinadaanan.

‘S-sino ka?” Paanas niyang wika habang patuloy siyang itinutulak ng di nakikilalang estranghero. “A-at san mo ako dadalhin? P-pakiusap? Tumigil ka na … nahihirapan na ako…” halos padaing niyang sumamo sa estrangherong iyon dahil bawat alog ng kaniyang katawan ay siya namang kirot