Chapter 24: Scar

AYEISHA

HINDI ko maiwasang mapatingin na naman sa ama ni King. Kausap siya ngayon ni King sa may sofa. Hindi ko marinig ang pinag-uusapan nila pero paminsan-minsan napapatingin sa akin ang ama niya. Familiar din sa akin ang mukha niya. Pero baka dahil sa frame na nakita ko dito. Sa Nanay lang talaga ako ni King nakaramdam nang kakaiba.

“Bakit po hindi mo kasama si Halina, Miss Asha? Akala ko pa naman po kasama siya kasi nandito ka rin po.”

“Kasama siya ngayon nang Lolo at Lola niya, e. Pero ‘wag kang mag-alaala, pagbalik natin ng San Remigio, araw-araw mo siya ulit makakasama.”

Umingos si Kalei sa akin kaya niyakap ko na lang siya. “Tayo na lang na dalawa ang maglalaro, gusto mo ba ‘yon?” ani ko.

“Sige po.”

Lumapit ako sa mag-ama kaya natigil ang kuwentuhan nila. Sabi ko, isasama ko sa labas si Kalei, tumango naman si King kaya niyakag ko na ang bata.

Imbes na maglaro sa dalampasigan, nauwi sa paliligo. Paano, sumaluk-salok pa si Kalei gamit ang bao ng niyog na nakita. Basta na