Chapter 30: Struggling

AYEISHA

PAPUNGAS-PUNGAS na tinungo ko ang pintuan nang makarinig ng sunod-sunod na katok. Bahagyang nagising si Halina, pero alam kong babalik pa ‘yon sa tulog dahil maaga pa. Late din na nakatulog ‘yon kakalaro sa kan’yang tablet na regalo sa kan’ya nila Mommy.

Sapo ko pa ang mata ko nang magbukas ng pintuan. Kaagad kong ibinaba ang kamay ko nang mapagsino ang nasa harap ng aming pintuan.

“K-King,” anas ko nang bigla niyang hapitin ang aking beywang sabay yakap nang mahigpit sa akin.

“I missed you, labs.”

“A-ang aga mo naman yatang bumalik.”

“Actually, right after kitang tawagan nagpahatid kaagad ako dito.”

“Ano? Eh, si Kalei, inistorbo mo para lang makauwi kaagad dito?”

“‘Yan ka na naman, labs. Si Kalei na naman iniisip mo. Eh, ako ba?” Akmang hahalikan niya ako nang iiwas ko ang aking mukha. Bumitaw ako sa ako sa kan’ya dahil baka may makakita sa amin.

“Ang tanda mo na para alalahanin. Nasaan nga si Kalei?”

“Ouch. Nasasaktan ako, labs.”

“OA mo na, King.” Tumawa lang siya