Chapter 29: Good night

AYEISHA

“WALA po bang iniwan si Mommy?” tanong ko sa kasambahay nang mababaan ko.

Hindi man lang nagsabi si Mommy na aalis kasama si Daddy. Hindi pa niya naibigay ang susi ng silid na gusto kong buksan.

“Wala po, ma’am. Sa susunod pa naman na araw pa ang balik nila ng Daddy mo.”

“Sh*t!” ani ko. “Paano ko kaya mabubuksan ang silid na ‘yon?” tanong ko sa kasambahay namin, as if naman may alam siya kung paano.

“Kung mahalaga po ang kukunin niyo doon, siraan niyo na lang po ang door knob,” suhestiyon niya. “May pamapaayos naman po kayo,” ani ng kasambahay namin sabay ngiti.

Napaisip ako bigla.

“Kapag ba sinira ko, maibabalik kaagad?”

“Tanong ko muna kila Neil, ma’am, kung kaya nila. Pero may nabibili naman po kung sakaling papalitan. Ang problema lang, baka magalit ang Mommy mo.”

“Tatawagan ko po siya ngayon. Pakitanong na lang muna sila Neil.”

“Sige, ma’am.” Tumalikod siya sa akin mayamaya. Narinig ko rin ang pagtawag niya sa isa naming tauhan sa bahay.

Pumasok ako sa silid k