Chapter 48:

AYEISHA

Two months later…

KASALUKUYAN akong nagtatrabaho sa monitor ko nang pumasok si Daddy sa aking silid.

Dahil sa mga anak ko, nagpasaya akong dito na muna mag-opisina sa bahay matutukan ko sila sa paghatid-sundo.

“Anak, nasa labas si King. Gusto ka raw kausapin tungkol sa–”

“Busy ako, Dad.” Ibinalik ko sa screen ng touchscreen monitor ang atensyon ko. Muli akong gumuhit gamit ang touch pen para sa aking panibagong disenyo ng mga damit na ilalabas ng aking A&K Couture. Sa totoo lang, wala akong panahon sa bisita, lalo na kung si King 'yan.

“Kanina pa siya sa labas sabi ng guard. Hindi ka ba naawa–”

Marahas akong napabuntonghininga. Bumaling ako kay Daddy.

“Paulit-ulit na lang tayo dito, Dad. Ako ba kinaawaan niya noon? Hindi nga po, ‘di ba?” Alam kong ramdam ni Daddy na naiinis na ako.

“O-okay.”

Tumayo ako at sumilip sa bintana. Nandoon nga si King, nakasandal sa sasakyan niya. Nakatingin siya banda sa aking silid kaya umalis ako kaagad.

“Bukas, kapag bumalik siya, baka