Chapter 73: Proposal

AYEISHA

“TUMAWAG ka na ba sa inyo?” Napalingon ako kay Nenita na noo’y kakapasok lang.

“Hindi pa. Mamaya siguro kapag nagka-signal na.”

“Naku, baka mag-alala na ‘yon si Sir King sa ‘yo.”

“‘Wag mong intindihin ang boss mo na ‘yon. Magpapaliwanag naman ako pagdating kung bakit wala akong paramdam ng tatlong araw.”

Yes, tatlong araw na akong hindi nagpaparamdam sa kanila.

Pagkagising ko ay kaagad akong nag-open ng social media. Gusto ko lang makita kung totoo nga ang sinabi sa akin ni King ang tungkol sa amin.

Pero pagkakita ko ng post ni Owen sa social media tungkol sa bagyong nagdaan sa San Remigio ay kaagad akong nag-alsa balutan. Ginising ko si King para magpaalam pero inungulan lang ako. Nagsalita pa nga na sige daw.

Saka sa kakamadali ko ay nahulog ang telepono ko, buti na lang may dala akong cash at ayon nga bumili ako ng panibagong telepono. Pero hindi ko tanda ang numero sa bahay maging kay King kaya hindi ko na muna tinawagan.

Umupa pa ako ng chopper mula Vigan hangg