The Broken Vow-Chapter 1

RUTH’S POV

“‘NAY, hindi po maaari. Umuwi lang ako dito dahil sa mensahe kong natanggap.”

Kita ko ang pagbahid ng lungkot sa mukha ng aking ina.

“Sigurado ka na ba talagang magma-madre ka, anak? Paano ang ibang mga kapatid mo? Hindi ko na sila kayang buhayin. Ang ama mo naman, baon sa utang. Makakaya mo bang makitang hindi sila nakapagtapos?”

Napatingin ako sa apat na kapatid kong tahimik. Basta ang ina ang nagsasalita talaga, ni isa sa mga ito, tahimik.

“Pero, ‘Nay, calling ko po ang maging madre. Alam niyo po ‘yan.”

“Naiintindihan kita, anak. Pero ikaw lang ang inaasahan kong nagtatrabaho ngayon sa atin. Hindi ka pa naman ganap na madre, hindi ka pa naman nakapag-vow. Baka ito talaga ang calling mo, ang buhayin at pag-aralin ang mga kapatid mo.”

Napapikit ako sa mga sinabi ni Inay. Hindi ko gusto ang sinabi niya. Dati suportado niya ako sa lahat ng mga ginagawa ko, pero ngayon. Hay…

“Kausapin ko lang po si Sister Marrie tungkol dito. Hihingi din po ako ng opinyon. Babalik po