The Broken Vow-Chapter 7

RUTH

“SINGLE pa pala ‘yan si Sir Benrick mo, anak.” Napatingin ako kay Nanay na noo’y nagsasangag ng kanin. “Alam kong gusto mong mag-madre, anak, pero hindi na ba magbabago ang isip mo? Mukhang gusto ka ni Sir.” Ngumiti pa siya kapagkuwan.

Pinanlakihan ko si Nanay ng mata. Naghuhugas ako noon ng basong ginamit ko.

Pagkagising ko kasi, deretso kape na ako. Pero si Sir Benrick, tulog pa sa sala. Medyo nahihirapan siya kagabi nang silipin ko dahil mas mahaba pa ang katawan niya sa sala namin. Naawa nga ako sa kanya kaso wala na kaming ibang kuwarto. Okupado ng dalawa kong kapatid ang isang silid at tulog na nang dumating si Sir Benrick. Hindi ko na ginising. Ang silid naman nila Nanay ay hindi rin pwede.

“Paano niyo po nagawang sabihin ‘yan, ‘Nay?” Tumingin pa ako sa sala, tulog na tulog pa rin si Sir. Sa mahina nga lang kasi baka marinig niya.

“Anak, hindi ako ipinanganak kahapon. Hindi ‘yan pupunta dito nang gano’ng oras kung wala siyang nararamdaman sa ‘yo. Sabi mo kanina nakasa