The Broken Vow-Chapter 11

RUTH’S POV

SIMULA nang makita ko si Benrick at ang babae na iyon ay hindi na nawala sa isipan ko kaya minsan wala ako sa sarili. Kung hindi pa gugulatin ng dalawang bata ay hindi babalik sa kamalayan.

“Tita Ruth, may sinasabi po si Daddy.”

“Huh?” Tumingin ako kay Sir Kyrie na noo’y nakakunot ang noo.

“Are you with us, Ruth?”

“O-opo.” Napakagat ako ng labi kapagkuwan.

“Magdala ka na lang extra damit ng mga bata dahil may dinner tayo mamaya.”

“S-sige po.”

Akmang tatalikod si Sir Kyrie nang may naalala. “Nga pala, ilang araw na kitang hindi ma-contact. Nasaan ang phone mo?”

Ang totoo niyan, naka-off ang telepono ko para hindi ako tawagan ni Benrick. Buti na lang hindi siya pumupunta dito sa bahay.

“Um, nawawala po ang simcard. Bibili na lang po ako mamaya pagkahatid po namin sa dalawa.”

“Okay. Tawagan mo ako para malaman ko ang number mo.”

“Sige po, Sir.”

Bahagyang kumunot ang noo ni Sir Kyrie. “Kyrie, Ruth. Call me Kyrie. Ilang beses ko nang sinabi ‘yan.”

Tumango ako. “K-Kyrie.”

Natakot