The Broken Vow-Chapter 12

RUTH’S POV

NAHIHIYANG naupo ako sa upuan. Nakatingin sa akin si Sir Kyrie.

“A-ang tagal mo sa banyo,”

“Um, nagpahangin lang ako pagkatapos.” Gusto kong ngumiwi, nagsinungaling kasi ako. Si Benrick ang kasama ko doon at hindi ako lumabas para magpahangin.

“Okay.” Ngumiti si Sir Kyrie.

Sana maniwala siya. Nakakahiya kapag nalaman niyang si Benrick ang kasama ko ng mga oras na iyon.

Akala ko, hindi magpapakita si Benrick sa amin. Wala pang sampung minuto nang lumapit siya sa amin at binati ang dalawang bata, na tuwang-tuwa naman. Pero si Sir Kyrie, seryoso lang na nakipag-usap kay Benrick. Saka parang may kakaiba sa pakikitungo nila sa isa’t isa. Unlike before na nagbibiruan pa.

Kinandong ko si Jam para may maupuan si Benrick dahil mukhang magtatagal. May pinag-uusapan sila at tungkol naman sa business kaya wala akong imik.

Tumayo si Jam at lumapit sa Daddy niya kaya napaayos ako ng upo. Akang iaangat ko ang kamay ko nang naramdaman ang kamay ni Benrick na humawak sa akin. Naitago