The Broken Vow-Chapter 5

RUTH’S POV

TALIWAS sa mga naiisip ko ang mga ginagawa ko. Heto, naka-pangalumbaba ako habang naghihintay na maglabasan sila Jade. Si Jamila naman ay nandito na sasakyan, himbing na. Hindi mawala-wala sa isip ko ang sinabi ni Sir Benrick na may girlfriend siya. Kahit saan ko tuloy siya nakikita sa loob ng bahay. Kaya sabi ko ngayon kay Manong agahan namin ang pag-sundo. Mas gusto kong tumambay dito sa tapat ng school ng mga bata, pero mali ako. Habang hinihintay ang dalawa kanina, si Sir Benrick ang nasa isip ko. Kaya naiinis ako sa sarili ko. Hindi yata effective ang mga dasal ko na ilayo ako sa tukso.

Napaayos ako nang upo nang matanaw si Jade na papalabas na. Kaagad kong binuksan ang pintuan ng van at kumaway sa kanya.

“Tita Ruth!” Hindi talaga nauubusan ng energy ang batang ito.

Sinalubong ko siya at kinuha ang bag pati ang bitbit niyang envelope.

“Anong mga ginawa niyo ngayon?” masayang tanong ko sa kanya.

Nakasanayan ko na siyang tanungin niyan. Masaya naman niyang sinasago