The Broken Vow-Chapter 4

RUTH’S POV

MAINGAT na inilapag ko ang cellphone ni Jade sa mesa niya pagkuwa’y naglakad na papuntang pintuan. Pero hindi pa ako nakakarating nang biglang pumasok si Jade.

“Tita Ruth, aalis na po si Ninong! Nakakatampo siya! Sabi niya po dito siya mag-stay while Daddy is away!”

Awang lang ng labi ang nagawa ko habang sinusundan siya nang tingin na pasampa sa kama. Mayamaya lang ay nagtalukbong siya at doon na umiyak.

“Jade.” Napalingon ako sa pintuan nang marinig ang boses na iyon ni Sir Benrick.

“I’m sorry, umiiyak siya dahil sa akin,” ani ni Sir Ben. Naglakad siya kapagkuwan papalapit sa kama.

Narinig ni Jade ang boses ni Sir Benrick kaya napaupo siya.

“I hate you, Ninong! Sabi mo sasamahan mo kami dito para hindi kami malungkot. Pero bakit aalis ka?”

“Hey, dadalaw naman si Ninong lagi. Kailangan lang kasi si Ninong sa bahay. Naalala mo ang kinuwento ko sa ‘yo na mga pamangkin ko? They need me.”

Alam kong nagsisinungaling si Sir Benrick para lang makumbinsi si Jade na kaila