The Broken Vow-Chapter 2

RUTH’S POV

MAAGA akong bumangon kinabukasan kahit na late kaming natuog ng mga bata. Nakonsensya ako dahil pinagalitan sila ng ama bago matulog. Sumingit na nga ako at humingi nang pumanhin. Nalibang pa kami kasi sa kuwentuhan. Ang dami ko kasing tanong sa kanila hanggang sa humaba.

Bago ako bumaba sa kama ay nag-usal muna ako nang panalingin. Kaagad naligo din ako at tinuyo ang mahabang buhok pagkuwa’y tinirintas iyon.

Pagbaba ko sa kusina ay nagluluto ang dalawa pang kasambahay kaya tumulong na ako. Mamaya ko pa naman gigisingin ang dalawa kapag handa na ang almusal. Parehas na panghapon naman si Jade at Jamilla. Nasa Grade 3 na si Jade at Grade 1 naman si Jamilla.

Nagtimpla muna ako ng kape bago tumulong.

Dalawa naman na sila pero nakakahiyang hindi tumulong. Isa ang nakatoka sa kusina, at isa naman ang naglilinis ng bahay, kaya kung tutusin hindi naman gano’n kabigat ang mga gawain nila. No’ng wala pa ako. Salitan sila nang bantay sa dalawa. Pero hindi nila nakaya dahil makuku