The Broken Vow-Chapter 33

RUTH’S POV

HINATID ako ni Benrick sa bahay nang gabing iyon. Maaga daw kasi ang daan niya bukas kay Ayeisha kaya umalis din siya kaagad. Iyon naman ang hiling ko bago ako bumaba ng sasakyan niya. Kung mag-stay ako sa bahay ngayon hanggang bukas, dapat ako lang.

Tatlong pares ng damit lang ang dala ko. Pero nakita kong punong-puno naman ng damit ang closet nang buksan ko kanina. Dinala ko rin ang mga mahahalagang gamit ko na bigay ni Sgt. De Vera. Saka may binabasa din akong libro na makakatulong sa trabaho ko bilang asset nila Sgt. Kaya nga sapat lang sa akin ang maliit na bahay dahil hindi naman ako laging uuwi. May mga oras na titira ako sa itinalagang bahay para sa akin.

Late akong nakatulog dahil namamahay ako. Sa laki ba naman tapos mag-isa lang ako. Ganitong bahay ang pangarap ko para sa pamilya ko pero tinalikuran nila ako. Kaya wala namang halaga kung mapupunta sa akin ang bahay na ito. Aanhin ko naman ang malaki at magarang bahay kung hindi ko naman pwedeng tawaging tahanan.