The Broken Vow-Chapter 34

BENRICK’S POV

KAKALAPAG ko lang kay Ruth sa may kama nang bigla na lang siyang naupo.

“N-nasusuka ako,” aniyang nakapikit. Dinala pa niya sa labi ang mga kamay niya.

“Sandali!” Lumapit ako kay Ruth at pinangko ko siya papunta sa banyo.

“Inom ka nang inom, e, hindi mo naman pala kaya.” Napamulat si Ruth sa narinig ang tiningnan ako. Mapupungay ang mata niya nang mga sandaling iyon. At parang kinikilala niya ako.

“W-wait… B-bakit ka nandito?”

Naduduwal na siya ng mga oras na ‘yon pero pinipigilan lang nito, kaya hindi ko siya sinagot. Binaba ko siya sa tapat ng sink pero umalis siya doon at biglang naupo sa tapat ng inidoro at doon na pinakawalan ang sukang pinipigilan niya.

Naupo ako at hinaplos ang likod niya.

Akmang isasandal niya ang ulo niya sa toilet bowl mismo nang pigilan ko. Pinasandal ko na lang siya sa aking dibdib. Inayos ko pa ang upo ko.

“Nasusuka ka pa ba?” tanong ko sa kanya.

Tumango siya pero nakapikit ang mata. At lumayo na nga siya sa akin para muling magsuka.

“Ruth,