Chapter 67

Hindi na nag- aksaya pa si Vince ng oras. Alam niya na hindi rin mag- aaksaya ng oras si Finn. Kailangan niya lang na unahan na ito. Magiging wais na siya.

Mabuti na lamang at hindi na nanlaban pa si Jazz ng buhatin siya ng isa niyang tauhan at inilagay sa loob ng kahon. Ngunit nang mailagay ito sa kahon ay kaagad nila itong pinaamoy ng pang- patulog. Para na rin hindi ito kumawag- kawag kapag inilabas nila ito.

Ayaw din naman nilang makakuha sila ng atensiyon kapag isinakay nila ito sa kotse ni Lizette. Kaagad naman itong nakatulog at ilang sandali pa ay naipasok na nila ito sa loob ng kotse na walang kahirap- hirap.

"Aalis na kami." Sabi niya kay Lizette pagkatapos ay pumasok na rin sa loob ng kotse. "Ipapaiwan ko ang isa kong tauhan. Ipaayos mo ang silid na iyon at tambaka mo ng mga gamit para maniwala siyang stock room talaga iyon." Dagdag pa niya rito.

Alam niya kaseng magiging sigurista ito. Isa namang tango ang naging sagot sa kaniya ni Lizette.

Ilang sandali pa ay umalis na