Chapter 68

Pagkarating nga niya sa bahay niya ay nagmamadali siyang pumasok. Naabutan niya sa sala si Baxter na nakikipagkulitan kay Vin.

Napatigil ang mga ito nang makita nila siya. Kaagad namang tumayo mula sa pagkakaupo ang kaniyang anak at niyakap siya. Niyakap niya rin naman ito pabalik dahil ngayon- ngayon niya lang naranasan na may nag- aantay sa kaniya kapag dumarating siya at isa pa ay ang sarap sa pakiramdam na may sasalubong sa kaniya kapag umuwi siya.

Hinalikan niya ito sa noo pagkatapos ay kinausap nito.

"Pwede bang doon ka muna sa kwarto mo at may pag- uusapan lang kami ng Tito Baxter mo?" Nakangiti niyang pakiusap rito.

Agad naman itong tumango sa kaniya lalo na at nakakaintindi naman ito. Hindi naman ito yung klase ng bata na mahirap pakiusapan.

Nang tumango ito ay kaagad niyang nginitian ito pagkatapos ay ginulo ang buhok. Nagpapasalamat siya kay Jazz dahil pinalaki nitong mabait ang anak nila.

Agad din naman itong ngumiti sa kaniya pagkatapos ay lumayo na at naglakad na paakya