Chapter 57

Dean

"Ano ang nangyari sa pag-uusap ninyo ni Brianna, Rex? Pumayag ba siya na kumuha ng bodyguard?" excited na tanong ko nang muli kaming magkita ng kaibigang kong pulis sa dati naming tipanan.

Umiling si Rex bago sumagot. "Hindi, Dean. Ayaw talaga niya na bigyan ko siya ng bodyguard. Mag-iingat na lang daw siya," sagot nito na may bahagyang lungkot sa mga mata na ipinagtaka ko.

"Bakit? You seems sad. Is there something wrong?" hindi naiwasang mag-alala na tanong ko sa kanya.

"It's about the usb, Dean. Ibinigay sa akin ni Brianna ang usb pero nagpunta lamang ako sa cr para umihi then pagbalik ko ay wala na ang usb. Hindi ko makita sa cctv kung sino ang pumasok sa loob ng opisina ko at kumuha sa usb dahil na-hack ang cctv camer ng station namin. May nakakaalam na ibinigay sa akin ni Brianna ang usb kaya nang makita niyang pumasok ako sa banyo ay agad siyang nakapuslit at kinuha ito," napapabuntong-hininga sa pag-amin ni Rex.

"Rex naman. Alam mong pinakaiingatan iyon ni Brianna at kahit