KABANATA 34

KANINA PA NAKATINGIN SI LC kay Marlon pero tila wala itong nakikitang kung hindi ang bestfriend niyang si Zarina.

Panay rin ang sunod nito sa mga inuutos ni Zarina na bagay na ikinakainis niyang lihim sa kaibigan. Kaya pala siya isinama para maging third wheel ng dalawa. Buong akala pa naman niya kaya siya inaya ng maaga ni Marlon ay para makasama siya.

Akala lang pala niya 'yon!

Kung siya ang tatanungin hindi niya gustong umalis ng bahay. Bukod sa puyat siya dahil lumabas siya kagabi ay gusto lang niya na matulog nang matulog buong maghapon. Pero dahil nakiusap si Marlon sa daddy at mommy niya ay napilitan siya na sumama sa lalaki na parang gusto na niyang pagsisihan.

“LC, ano na? Anong movie pa ba ang panonoorin natin?”

Bored na tiningnan niya si Zarina kapagkuwan ay ibinaling ang tingin sa lalaki na nakatingin lang sa kaibigan niya.

Alam niya sa tingin pa lang ni Marlon ay walang duda na may gusto ito kay Zarina pero bakit parang hindi siya masaya para sa dalawa?

Bakit parang na