KABANATA 35

NAMAMAGOD na isinandal ni Antoine ang likuran sa swivel chair habang nakatigtig sa kisame. Kahit ano ata na gawin niyang pag-focus sa mga papeles na ipinadala ni Mr. Osman kay Jacky ay hindi niya magawa.

Nahahati ang atensyon niya sa kagustuhan na sundan si Zarina para alamin ang katotohanan, kung nakipag-date nga ba ito o binibiro lamang siya ng ama?

At sa obligasyon niya sa kompanya na kailangan niyang pag-aralan ang mga papeles na pinadala sa kaniya ni Mr. Osman.

Hindi naman dapat siya uuwi kagabi dahil tambak ang gawain niya sa opisina pero dahil nasa bahay ng ama niya si Zarina kaya napilitan siyang umuwi.

Gusto niyang makita at makasama ang dalaga sa paraan na hindi nito mahahalata. Gusto niyang bumawi sa dalaga pero hindi niya alam kung saan mag-uumpisa. Lalo na ngayon na masama ang loob nito sa kaniya dahil sa ginawa niyang pagpisil sa pulsuhan nito.

Wrong move, Knox! Napailing siya ng ulo.

Nang makuha niya mula kay Remington ang cellphone na naiwanan niya sa hacienda, ay d