Chapter 35 BIPR

Amber's Pov

KINABUKASAN ay nagising ako sa pakiramdam na may mabigat na bagay na nakadagan sa aking tiyan. Dahan-dahan akong nagmulat ng aking mga mata at nakita kong braso pala iyon. Lumingon ako sa kaliwa ko at nakita ko ang himbing na himbing na si Zeus.

Bahagya pang nanlaki ang mga mata ko sa nakita kong posisyon namin dahil nakakulong ako sa mga braso nito. Maging ang isang binti nito ay nakadagan sa may puson ko.

Biglang nag-init ang buong mukha ko nang mapagtanto ko kung gaano ka-intimate ang posisyon namin.

Dahan-dahan kong inalis ang braso nitong nakayakap sa akin. Tangka sana akong babangon nang mapahiga akong muli dahil sa pagsigid ng kirot sa ulo ko. Naalala kong sobrang dami nga pala ng nainom ko kagabi. Medyo nawala lang iyon nang madatnan kong inaapoy ng lagnat si Zeus.

Naawa naman ako rito kaya't pinagbigyan ko itong tabihan sa pagtulog. Ang balak ko sana ay patutulugin lamang ito kaso mukhang pati ako ay napasarap na rin ang tulog.

Ilang sandali pa akong nanatiling na