BFL_44

Mag mula ng gabi na ‘yun naging normal na naman ang pagsasama namin n Azul. Parang iglap lang maayos na naman sa amin ang lahat tipong parang walang naganap. Umaasa ako na sana ay tuloy tuloy na ang lahat kahit pa nga napapadalas ang mga text messages from different unknown number na nare-receive ko. Dinedma ko na lang ang lahat ng ‘yun diba nga ganun naman talaga dapat, if you want to live peacefully with the one you love, dapat matuto kang mawalan ng pakialam sa iba. Dahil ang mahalaga lang ay ‘yung kayong dalawa ng taong mahal mo at piniling makasama.

Lately ay mas naging maasikaso at mas malamabing pa ako kay Azul na nakakatuwa naman dahil na-appreciate lahat ng effort ko ng lalaki. Usually nga ay hinahatiran ko na siya ng pagkain sa kanyang office. Tuwang tuwa naman siya kapag ganun dahil sabay na kaming kumakain at konting lambingan na rin. Pero tumatawag muna ako sa kanya bago pumunta doon sa opisina niya para naman hindi ako makaabala sa mga gagawin o ginagawa niyang trabaho.