Chapter 58

Bago dumiretso upang kausapin si Elyssa ay dumaan muna si Louie kay Minho. May kailangan lang siyang kumpirmahin sa kaibigan na magiging gabay sa sasabihin niya kay Elyssa.

Nang makarating sa club na pinagtatambayan nito sa Libis, ay hindi siya nag-aksaya ng oras at kaagad itong hinanap. Matao ang lokasyon ng club na ito ni Minho kaya parati ay maraming customer ang pumapasok. At sadya namang dinarayo iyon ng mga parokyano. Pero walang pakialam si Louie kung abala ang kaibigan sa pag-aasikaso ng customers nito. He has something important to ask Minho.

Hindi niya mahanap ang kaibigan sa bar counter o sa nagsisilbing waiter, na gawain nito kapag masiyadong abala ang mga trabahante nito, kaya napagpasyahan niyang bisitahin ito sa opisina. Nasa ikalawang palapag ang opisina ng kaibigan at sigurado siyang nakatambay ito sa CCTV para magmasid sa mga nangyayari sa club.

Hindi na siya nag-abalang kumatok at agad na itinulak pabukas ang pinto. Pero napatda si Louie nang sa pagbukas niya ng pint