Chapter 8

Malipas ang tatlong araw ay nagising na si Papa, ngunit patuloy pa rin ang pag momonitor sakanya. Sobrang saya namin ni Mama nang magising si Papa. 2 araw rin akong absent at buong weekend ay nandito lang ako sa hospital at uuwi lang kapag maliligo at magbibihis.

Mabuti at sinisendan naman ako ni Isha ng mga notes niya tungkol sa mga subjects na hindi ko napasukan.

Ngayong araw rin ililipat na si Papa sa isang private room at aalisin na ang mga apparatus na nakakabit sakanya. Masayang masaya si Mama at kwento lang ng kwento tungkol sa mga pasyente niya.

Mamayang 11 am pa ang pasok ko, at bandang alas nwebe ay ililipat na si Papa ng kwarto. Balak ko sanang umalis kapag nailipat na si Papa ng kwarto ngunit napilit din nila ako na bumalik na ng Naga dahil baka mahuli ako sa pag pasok

"Pa, 'wag mo na kasi kalimutan ang pag iinom mo ng gamot para ka namang 'di doktor" saway ko kay Papa ngunit natawa lang siya kaya nakitawa na rin si Mama

"Yna, doktor ako sa mga buto, hindi sa puso" biro niya

Pinagkunotan ko naman siya ng noo at ipinag krus ang braso "Nakuha mo pa talaga mag biro, pambihira ka talaga Papa" sabi ko at nagtawanan lang kaming tatlo

'Di ko na pinatagal ang oras at hinatid na ako ng driver namin sa apartment. Nang makarating ako ay mag aalas dies na at nag message na rin saakin si Mama na inilipat na ng kwarto si Papa.

Napahinga ako ng malalim at saka nag desiyon na maligo at mag ayos para pumasok. Kailangan kong humabol at may isang quiz ako sa major subject namin na hindi na i-take. Kailangan kong bumawi sa susunod na quiz

Natapos ako sa pagligo at pag ayos at may thirty minutes pa ako bago ang unang subject ko ngayong araw. Dumaan muna ako sa mcdo para bumili ng coffee float dahil nakalimutan ko nang kumain ng umagahan

Nang makarating sa classroom ay may mangilan-ngilan na akong kaklase. Nang papunta na ako sa upuan ko ay nakita ko si Jasper na nakaupo sa upoan ni Isha, katabi lang ng upoan ko

Nang makita niya ako ay kinawayan niya ako kaya nginitian ko naman siya. Ibinaba ko ang bag ko at inilagay ang coffee float sa mesa ko bago umupo

"Goodmorning Yna" bati saakin ni Jasper

Binigyan ko naman siya ng ngiti at saka tumango "Goodmorning Jasper" bati ko rin

"Absent ka last meeting, okay ka lang?" tanong niya habang ako abala sa kape ko

"Ah, na ospital kasi si Papa. Nagbantay ako" sagot ko

"Ah, sorry. Okay na si Papa mo?" tanong niya ulit

"Oo, mabuti na ang lagay niya" sagot ko

Hindi na siya umumik pa, ngunit naramdaman ko na nakatitig siya saakin kaya nang napalingon ako sakanya ay umiwas agad siya ng tingin

"Bakit?" kyuryosong tanong ko

"Ah, w-wala. Maganda lang scrunchies mo" balisang sagot niya

Napakunot naman ang noo ko at tinatago ang tawa ko sa pamamagitan ng pagkagat ko ng straw

"Gusto mo ba nito?" natatawang tanong ko

Nanlaki naman ang mata niya at unti unting napakunot ang noo "Ha?"

"Halaman Jasp, halaman" pambabara ko sakanya at saka tumawa kaya natawa na rin siya

"Hindi, bagay kasi sayo ang tali mo ngayon" seryosong sabi niya

Naramdaman ko ang pag init ng pisngi ko sa sinabi ni Jasper. Teka nga, Jasper? Crush ko 'yon di'ba?! Oo! Si Jasper crush ko na ngayon ay katabi ko at hindi maalis ang titig saakin!

"Mas lalong bumabagay kapag nag ba-blush" sabi niya pa

Ramdam kong napunit ko na ang plastic straw na ngayon ay kagat kagat ko. Nag iwas agad ako sakanya ng tingin at binitawan ang kapeng hawak ko. Mag sasalita na sana ako nang dumating si Isha

"Tanghaling tapat lumalandi ka Jasper" walang hiyang sabi ni Isha

Natawa naman si Jasper at tumayo para mapaupo si Isha. Umiling muna siya bago tumingin saaming dalawa na magkatabi na

"Sige punta na ko sa upoan ko" paalam ni Jasper at saka umalis sa harap namin

'Di ko naman maalis ang tingin ko sakanya hanggang sa makaupo siya sa upoan niya at makipag kwentohan sa iba naming kaklase

"At ikaw naman tanghaling tapat nag kakape" naputol ang tingin ko kay Jasper ng magsalita si Isha

Tinarayan ko naman siya "Malamig 'to" sabi ko

"Kwento mo sa manok ni Mang Kardo" pambibwesit niya kaya pinandilatan ko lang siya

Ilang minuto lang ay dumating na ang prof namin. Nag lesson lang siya at binigyan kami ng study guide. Nagkaroon kami ng groupings at pinabunot kami ni Sir ng papel na may nakasulat na number. Kung anong number ang mabunot namin ay 'yun na ang group number namin at hahanapin namin kung sino ang makakagrupo namin

Nang bumunot ako ng papel ay binuksan ko agad ito at tinignan ang numero.

"Hoy, sabihin mo sa'king number 2 ang nabunot mo" sabi saakin ni Isha

"Ayoko, kasi 4 ang nabunot ko" sabi ko

"Ano ba 'yan! 'Di tayo magka grupo!" reklamo niya at napakamot pa ng ulo

"Buti naman" natatawang pang bibwesit ko sakanya pero tinarayan niya lang ako

Pinatayo ni Sir kung sino ang nakabunot ng unang numero at nag assign kung sino ang magsusulat ng pangalan ng mga ka grupo.

Nang grupo na nila Isha ang tumayo ay parang gustong magback out ni Isha nang malaman kung sino ang mga ka grupo. Tatlong lalaki na tingin mo palang ay parang wala nang maiaambag sa grupo at ang kaklase naming babae na may pagka nerd. Natawa nalang ako nang wala sa loob niya isinulat ang mga pangalan ng ka grupo niya

Nang number na namin ang tinawag ay tumayo agad ako at tinignan ang mga magiging ka grupo ko. Buti naman! Ka grupo ko ang top student galing sa engineering. Magiging isa ata ako sa grupo na tinatawag na 'asa'. Pero s'yempre biro lang at mahirap na

Habang sinusuri ko ang mga kagrupo ko ay napakunot ang noo ko ng mabilang ko na apat lang kami. Dapat ay lima kami ah?

"Where is the other one?" tanong ni Ma'am nang mahalata rin na kulang kami ng isa

Nakita ko ang pagtayo ni Jasper at napakamot sa batok "Ay 4 na ba?" tanong niya

Nagtawanan naman kami dahil sa kalutangan niya kaya natawa na rin si Ma'am. Dahil do'n ay siya ang inatasan ni Ma'am na isulat ang mga pangalan naming mga kagrupo niya

Nang matapos ang klase ay nagyaya si Isha na sa bambam's nalang bumili ng lunch para hindi na kami lumabas ng campus. Kahit gusto kong kumain sa labas ay pinagbigyan ko nalang siya dahil hanggang ngayon ay busangot parin ang mukha niya dahil sa groupings na naganap kanina

Palabas na sana kami ng pinto nang tawagin ako ni Jasper

"Oh Jasper, bakit?" tanong ko

"Ah saan kayo mag la-lunch?"

"Sa bambam's lang, ikaw?"

"Ah gano'n ba. Sa labas ako, footlongan nag crave ako ng tapa eh" sabi niya

Pumasok naman sa isip ko ang masarap na tapa. Shit bigla din ako nag crave! Pero nang tignan ko si Isha ay busangot pa rin ang mukha niya

"Ah sige, una na kami ah? Siguradong marami nanamang pila sa bambam's" sabi ko

"A-ah okay. S-sige" nauutal ngunit nagawa pa rin ngumiti ni Jasper

"Bye!" sabi ko at kumaway ngunit bago pa siya mag salita ay hinila ko na si Isha

"Bye!" rinig kong sigaw ni Jasper pero lumiko na kami paramakababa sa hagdan

Habang naglalakad kami papuntang bambam's ay kanina ko pa napapansin ang titig saakin ni Isha na akala mo ay may ginawa akong karumal-dumal

"Tangina crush mo ba 'ko?! Kanina kapa nakatingin sakin ah!" sabi ko sakanya ng ma weirdohan na ako sa tingin niya

"Ba't 'di ka sumama do'n?" seryosong tanong niya kaya napakunot naman ang noo

"Sumama kanino?" tanong ko

"Kay Jasper!"

"Ay required ba?"

"Wow nag iba ihip ng hangin ah, 'di mo na crush?"

"Pag nag palit siya nang course 'di ko na siya crush" natatawang sabi ko ngunit mas malakas ang naging tawa ni Isha kaya may ibang estudyante na napatingin saamin

"Ang pangit ng tawa mo hoy! Mahiya ka nga" saway ko sakanya

"Tanginang baliw sa engineering" sabi niya at tawa pa rin ng tawa kaya kinurot ko na siya sa bewang at hinila para mas mabilis kaming makarating sa kakainan

Nang makabili ay naghanap agad kami ni Isha ng mauupoan at swerte namin dahil kaunti ang estudyante dito ngayon. Habang ninanamnam ko ang sarap ng pagkain ko ay si Isha naman abala pa sa cellphone

"Hoy ang pagkain mo kumakaway na, puro ka cellphone" saway ko sakanya

"Sandali lang ma i-stalk ako" sabi niya pero inirapan ko nalang siya

"Omg girl! Tangina ka tignan mo 'to!" biglang sabi ni Isha at gano'n nalang kalaki ang gulat ko sa nakita.

Naramdaman ko ulit ang tibok ng puso ko dahil doon. Naramdaman ko ang init ng pisngi ko at parang mabibilaukan ako sa nakita ko

Lace @lacemart

20 – adnu – AYB <3

AYB??? Teka, a-ako ba 'yan? Initials ko 'yan?!

Sa kapraningan ko ay inisip ko ulit kung ano nga ba ang pangalan ko..

Alyanna Yvonne Bautista, so ako nga ba ang tinutukoy niya sa bio niya?!

"Ang ganda mo sis mars kumare! AYB pa nga!" pang aasar ni Isha

"Ini-stalk mo pa talaga ah?" sabi ko sakanya, hindi pa rin maalis ang lakas ng pintig ng puso ko

"Girl! Kalat na sa twitter ang bio ng bebe mo! Ang daming nagtatanong kung sino daw si AYB" sabi niya at saka sinimulan ang pagkain

Ako naman ngayon ang hindi na makakain. Ako nga ba 'yun? Baka hindi naman?

"Oh? Sa tingin mo ako na agad 'yun?" tanong ko kay Isha

"Obvious ba? O bobo ka lang?" pang aasar niya at tinarayan ako

"Malay mo iba naman! Malay natin ano pala yun ah.." 'di ko na napatuloy nang mapaisip ako ng malalim na ibang meaning ng nasa bio niya

"Oh ano? Sige isip kaya mo y-"

"Awit 'Yun Beh!"

Napuno ang buong canteen nang tawa ni Isha. Nakulangan pa at tumayo pa talaga siya at pumalakpak sa harap ko. Dahil do'n ay pinagtitinginan na kami ng mga estudyante. Tangina naman Isha!

"Pota kaya sa'yo ako kasi ang witty mo!" sabi ni Isha at 'di pa rin mapigil ang pag tawa

Pinagpatuloy ko nalamang ang pagkain ko at hindi na pinansin ang baliw na si Isha. Habang abala ay naramdaman ko na nag vibrate ang cellphone ko na ngayon ay nasa bulsa ko. Nang tignan ko ay mensahe nanaman ito mula kay Lace

From: Ugok na gunggong

Can I see you later? I miss you.

Halos mahimatay ako sa huling tatlong salita na sinabi niya. Parang umaapoy ang pisngi ko habang hindi makahinga ng maayos. At bago pa 'ko mataohan, nakita ko nalamang ang sarili kong nagtitipa na rin ng mensahe para sa lalaki

To: Ugok na gunggong

Sure.

And there, I realized that I am in danger..