Chapter 126

“Akala ko hindi kayo makakarating sa birthday ko,” sabi ng Lola ni Liam. Yumakap ito sa akin.

Napalingon ako kay Liam. Hindi ko alam na kaarawan pala ng Lola niya ngayon. Nakakahiya tuloy dahil wala man lang akong regalo para sa kaniya.

“Happy birthday po,” nakangiting sabi ko kahit nakaramdam ako ng awkward. Ngayon ko lang ulit nakita ang pamilya niya. “Pasensiya na po kung wala akong maibigay na regalo. Hindi ko po kasi alam na kaarawan niyo po ngayon.”

“Naku! Ayos lang, hija. Bigyan mo na lang ako ng ikalawang apo sa tuhod.” Bumaling siya kay Max. “Ang laki-laki na ng apo ko!”

“Max, this is my Grandma,” pagpapakilala ni Liam sa Lola niya.

“Hello, Granny. Happy birthday!” bati ni Max. Kinuha niya ang kamay ni Grandma at nagmano. Napakagat labi ako habang tinitingnan ang anak ko sa inaasal niya ngayon.

“Pwede ko bang hiramin ang apo namin?” tanong ni Tito William kay Liam.

Lumingon si Max sa kanila. Nakakunot ang noo niya habang tinitingnan angmga magulang ni Liam.

“Max, meet m