Chapter 41

"Wala na si Tatay, 'nay," napapaos na sabi ko sa kaniya. Mas lalong humagulhol sa pag-iyak si Nanay.

"Napatay ko siya..." sabi niya habang umiiyak. Tumayo siya bigla at ipinagpatuloy ang kaniyang ginagawa. Tumayo ako at lumapit kay Nanay para pigilin siya. "Pabayaan mo ako Francine! Ayokong makulong!"

"Nandito na ang mga pulis!" sigaw ng aming kapitbahay kaya mas lalong nakaramdam ng takot si Nanay. Marahas niya akong tinulak at lumabas siya ng kwarto.

"Nay!" sigaw ko at hinabol siya.

Pumasok siya sa dati kong kwarto at mabilis na tumalon sa bintana. "Lucas! Si Nanay!" sigaw ko. Narinig ko ang mabilis na pagtakbo ni Lucas patungo sa aking kwarto. "Tumakas si Nanay!" dugtong ko at tinitingnan si Nanay na tumatakbo sa bubong ng aming mga kapitbahay.

"Nasaan si Mrs. Alejandro?" tanong ng mga pulis sa amin pagpasok nila sa dati kong kwarto.

"She escaped," sagot ni Lucas at itinuro sa mga pulis kung saan dumaan si Nanay. Mabilis na bumaba ang mga pulis. Tinawagan nila ang kanilang mga kas