PROBLEMS

Chapter twenty-eight

"O, kamusta naman ang bakasyon niyo, Amber?" Biglang tanong ni Verna pagpasok ko ng kusina. 

Nakasunod sa likod ko si Odette na parang ayaw akong iwan. Kahit anong pagkain o tubig ang hawakan ko, tinatapon niya at hindi naman ako nagtatanong. Tahimik niya lang ang mga itong pinapalitan ng bago.

Ngumisi ako. "Medyo hindi maganda. Amoy plastik minsan at maraming higad sa paligid." Pagpaparinig ko sa tahimik na si Vicky. 

Ewan ko kung nasaan na ang ibang anak ni Verna. 'Di na ang mga ito nagpapakita sa akin. Siguro, iniwan na siya dahil sa pagiging bruha.

Sinulyapan ko si Odette at sumenyas na lalabas na. May pasok na kami ngayon kaya maaga akong nagising. Akmang tatalikod na ako nang matigil dahil sa pagsasalita ni Vicky.

"Bakit hindi ka muna umupo? Kumain ka. Maraming niluto ang cook ngayon. Masarap." Pinakita niya pa sa akin kung paano niya sinubo ang bacon na nginisihan ko.

"No, thanks. Diet ako. Try mo